Si veprohet kur del nga shtepia ?

Transmetohet nga nëna e besimtarëve Ummi Seleme, emri i së
cilës ishte Hind bintu Ebi Umejje Hudhejfe el-Mahzumijje (radijAllahu anha),
se Pejgamberi (alejhis-selam) kur dilte nga shtëpia e tij thonte: “Në emër
të All-llahut, mbështetem në All-llahun: O Zoti im, të drejtohem
për mbrojtje të mos lajthis e as të më lajthis dikush, të mos rrëshqas
e as të më bëjë dikush të rrëshqas, të mos bëj zullum e as të më
bëjnë zullum, të mos e injoroj askënd, e as mos të injorohem nga të
tjerët.”

{Hadithi sahih, e transmetojnë Ebu Daudi, Tirmidhiu dhe të
tjerë me senede sahih. Tirmidhiu thotë hadithi hasen sahih. Ndërsa
ishte në shprehje të Ebu Daudit}

''...para lindjes se diellit dhe para perendimit madhero me falenderim Zotin Tend.'' {Kaf, 39}

Nga Enesi (radijAllahu anhu) transmetohet se i Dërguari i All-llahut (alejhis-selam) ka thënë: “Kush thotë - kur del prej shtëpisë - Në emër të All-llahut, jam mbështetur në All-llahun dhe nuk ka kurrfarë fuqie as forcë përveç në All-llahun - i thuhet atij: “Je i udhëzuar, i mbrojtur dhe i ruajtur, dhe prej tij ikën djalli.”

{Transmeton Ebu Daudi, Tirmidhiu, Nesaiu etj. Tirmidhiu thotë
hadithi hasen. Ebu Daudi i shton këtë fjali: “Djalli i thotë djallit
tjetër: “Si ia del me njeriun i cili është i udhëzuar, i ruajtur dhe i
mbrojtur?”}